Morten Abel spelar på Husnes i november

Marius Tveit Nissestad

Marius Tveit Nissestad

marius@grenda.no

Publisert: 27. september 2020, 18:30

No er det klart at Morten Abel-konserten på Husnes blir 7. november. Med seg har han Thomas Gallatin.

I utgangspunktet skulle Morten Abel ha spelt på årets utgåve av OmStock, men koronapandemien sette ein stoppar for det. Likevel satsa arrangørane på ein enkelt Morten Abel-konsert på Husnes. No er det klart at den vil bli i Festsalen i Kulturhuset Husnes laurdag 7. november.

– Etter fire tiår som låtskrivar og entertainer er Abel framleis ein av landets beste formidlarar, og han skuffer aldri på scenen. Så du kan ikkje sjå vekk i frå at ein og annan overrasking dukkar opp, i tillegg til dei gode kjenningane, skriv OmStock i ei pressemelding.

Det betyr at artisten, som har seld over 600.000 album, kjem tilbake til Festsalen vel fire år etter at han sist var her. Han har også tidlegare spelt på Festidalen. Denne gongen har han med seg multiinstrumentalist Thomas Gallantin.