Morten Abel-konserten er utsett

Marius Tveit Nissestad

Marius Tveit Nissestad

marius@grenda.no

Publisert: 12. februar 2021, 08:31

I samråd med kommuneoverlege og Kvinnherad kommune er OmStock einige om å flytta laurdagens konsert.

– Dette på grunn av usikkerheit rundt ny smitta av Covid-19 og kva mutert variant som har gjeve smitte. Det er også stort smittetrykk rundt oss, skriv OmStock i ei pressemelding.

Morten Abel-konserten har allereie blitt flytta ei rekkje gonger tidlegare på grunn av pandemien, men skulle etter planen ha gått av stabelen i kinosalen på Husnes laurdag kveld. No vert han flytta til 29. mai.

– Dei som allereie har kjøpt billettar kan bruka dei til den nye konserten eller til Omstockfestivalen 2021. Vi beklagar dette, men sikkerheita kjem alltid fyrst, skriv OmStock.