Miss Tati tilbake til Festidalen

Marius Tveit Nissestad

Marius Tveit Nissestad

marius@grenda.no

Publisert: 7. mars 2019, 20:00

Festidalen feirar kvinnedagen med å føya tre kvinnelege artistar opp på årets Festidalen-plakat.

Miss Tati fylte jordet med dans og leiken stemning då ho stod på Festidalen-scena tilbake i 2016. No er ho igjen klar få å gjera det same.

– Det er i gledas namn at me endeleg får Miss Tati tilbake til Festidalen. Den stemninga med opplevde sist ho spelte og dansa for oss, kjem me aldri til å gløyma. Og no, med nokre milliardar konsertar i bagasjen, er ho betre enn nokon gong, skriv Daidalos i ei pressemelding.

Men Miss Tati er ikkje åleine i kveldens slepp frå festivalarrangørane i Uskedalen. Ho må ta til takke med å dela spotlighten med det Daidalos omtalar som den nye vinen, nemleg artistane Iris og Moyka.

– Sjølv om Iris berre er 22 år, er ho alt ein snakkis i det store musikkmiljøet og varmar for tida opp for Aurora. Ho kjem med vanvitig fin og smart moderne elektropop, seier Daidalos i pressemelding og legg til:

– Moyka slepp sjølvsagt sin første singel på kvinnedagen. Det etter braksuskess på by:larm førre veke. Der heile musikk-Norge fekk augne opp for denne skatten. Dette er purungt og ubeskjeden, men balansert av kløktt og eit imponerande modent talent.

Iris kjem til Festidalen. (Pressefoto)

Kvinnedagen

Med det er tre kvinnelege artistar klare for Festidalen 2019, slept kvelden før kvinnedagen. Noko som er langt frå tilfeldig.

– Fornufta, engasjementet og kunna bur i jentene. Eit klart fleirtal av våre frivillige er kvinner og dei fleste gruppeleiarane er kvinner. Me har sterte kvinner i styret og me har kvinneleg styreleiar. Det viser seg at mor mi, søster mi og kjærasten min også er kvinner. Det burde eg jo skjønt tidlegare, då dei er utruleg smarte, seier Daidalos og legg til:

– Det er mange driftige menn i Festidalen, men me har forståing for at me berre er nyttige idiotar for det motsette kjønn. Det har me akkurat nok hjernekapasitet til å innsjå. Damene er best i klassen. Ingen tvil.