Det blir ein miniutgåve av Gurinebasaren. (Arkivfoto)

Minibasar for Gurine

Dei førre åra har Gurinebasaren med tilhøyrande jonsokbål vore ein publikumsmagnet og ei god inntektskjelde for Interesselaget Galeas Gurine. I år vert det naturleg nok ingen Gurinebasar, men det blir laga ei lita erstatning.

– Me lagar ein minibasar i Skålagato på laurdag, med gratis kaffi og kake, og gratis is til barna. Det vert sjølvsagt loddsal, og det vert open båt på «Gurine», om nokon har lyst å koma om bord, melder Leif Tore Nedrevåg.

Artikkelen held fram under annonsen.

På slutten av dagen vert nokre av gevinstane trekt blant dei som har kjøpt lodd i løpet av dagen. Resten av gevinstane vert trekt litt seinare.

– Me håper på fint vêr, og at butikkane flyttar ut på gata, sluttar Nedrevåg.