Militærgrøn opprykksjubel
Etter to sesongar på tredje nivå, returnerer Johnny Furdal, Rune Mo og resten av Nest-Sotra til Obos-ligaen neste sesong.
Det vart klart etter at Nest-Sotra slo Hønefoss 3-0 borte i sesongavslutninga laurdag.
Frå før var militærtrøyene frå Ågotnes sikra kvalifiseringsplassen i Post-Nord-ligaen, men var med siger over Hønefoss klare for direkte opprykk uavhengig av korleis det gjekk med tabellnabo Notodden mot Byåsen.
Artikkelen held fram under annonsen.
Nest-Sotra fekk ein pangstart då målgarantist Alexander Dang skaut bortelaget i føringa eit kvarter ut i oppgjeret.
Akinbola Akinyemi auka så til 2-0, etter å ha vorten spelt fri av Johnny Furdal, tidleg i andre omgang. Same mann punkterte kampen då han sat inn sitt andre og Nest-Sotra sitt tredje i det 72. minutt.
Med det er det berre å gratulera kvinnheringane Johnny Furdal og Rune Mo med opprykk til neste års Obos-liga.