Midtsumarkonsert med Glimrah

Håvard Sætrevik

Håvard Sætrevik

haavard@grenda.no

Sist oppdatert: 10. juni 2019, 07:00

Vokalensemblet Glimrah er i ferd med å gjera midtsumarkonsert i Helgheim i Uskedalen til ein tradisjon.

– I fjor hadde me ein midtsumarkonsert i Helgheim, og me ynskjer å gjera dette til ein tradisjon. Det var veldig kjekt, fantastisk publikum, veldig flinke gjester, gøy å syngje. Stemninga var magisk, skriv ensemblet i ei pressemelding.

Nye gjester er også med på programmet. Atle Fredheim trio, som i tillegg til Atle sjølv består av hans døtrer Maia (15) og Nanna Sofie (17), som byr på ei variert avdeling med song og gitar.

Den andre gjesten er Fridar Malmsten Steinkopf frå Stord. 17-åring driv med mykje ulikt, både fotball, teater, nysirkus og spelar saksofon, og er son til Maria Malmsten

– I Helgheim skal han ha eit lysshow med sjonglering og poi. Dette vart spennande, lovar arrangøren.

Glimrah Vokalensemble har no sunge saman i over tre år. Dei syng eit variert repertoar, inkludert renessansetonar, folkemusikk, romantiske songar og samtidsmusikk.

– I anledning årets Midtsumarkonsert har me øvd inn mange nye songar som me gler oss til å framføra, skriv ensemblet, som lokkar med både vått, tørt og loddsal til publikum som kjem.