Midtsommarkonsert med GLIMRAH

Søndag 24. juni arrangerer GLIMRAH Vokalensemble «Midtsumarkonsert» i Helgheim i Uskedalen.

Dei lovar å ta i mot publikum med blomekransar i håret,  glitrande tonar og nykokt kaffi med sommarkake til.

– Serveringa er inkludert i  billetten, og det vert også loddsal med gøyale vinstar, heiter det i pressemeldinga frå koret.

Kveldens gjester er Tiril Eirunn Einarsdotter på fiolin, Rebekka Attramadal på klaver og song og 4.er –banden. Den syngjande kvartetten består av Lars Henrik Skogtun, Oscar Langballe, Svein Rimestad og Kåre Vetrhus.

 

Vidt repertoar

Koret lovar eit variert program, med folketonar, renessansemusikk, romantiske tonar og noko nyskriven musikk.

Vokalensemblet er sett saman av Gjertrud Sydnes Furdal, Lene Bernhardsen Taranger, Ingvild Toskedal, Renate Koløy, Lina Frimannslund Storegjerde, Hallgjerd Hegland og kunstnarleg leiar Maria Malmsten. GLIMRAH  har sunge saman i to og eit halvt år, og kjem frå ulike stader i Kvinnherad og Stord. Dei øver saman eit par gonger i månaden, og har sunge rundt omkring i Sunnhordland og Hardanger. Repertoaret er både profan og sakral musikk, og spenner frå renessansetonar, via folkemusikk og romantisk musikk, til samtidsmusikk. Dei syng for det meste a capella, men til denne konserten får dei akkompagnement av Rebekka Attramadal til noko av repertoaret.