Sunn fornuft og hjartesukk

Skal me ha ein god debatt treng fleire sider høyrast, men eg forstår at ein i dagens samfunn kan vegra seg for å sei kva ein meiner. Kjem ein med meiningar som for nokon kan oppfattast som kontroversielle, kan fort kjensla av å ha sagt eller gjort noko galt komma.

Først som sist synes eg til no at sjargongen i politikken og korleis me beskriv kvarandre stundom har vert litt trist og lei. Sjølv om ein tenkjer ulikt og ser ting på ulike måtar, treng ein kanskje ikkje kome med nedlatande samanlikningar og karakteristikkar? Det må vera lov å diskutere og stille for det som nokon vert oppfatta som kontroversielle spørsmål?

Eg er glad for at me kan sjå ulikt på ting, det kan skape gode samtalar og ein kan lære mykje. Det å vera nysgjerrig på korleis og kva andre tenkjer er utviklande slik eg ser det. Kva gjer at du tenkjer slikt? Kva tenkjer du om at? Fortel!

Eg har alltid tenkt at eg har noko å læra av andre, samstundes som eg har tenkt at eg har ting eg kan læra andre. Menneskemøter har alltid engasjert meg, på mange måtar. I samtalar har eg øvd meg på å lytta, vera undrande og nysgjerrig. På denne måten har eg lært mykje.

I haust melde eg meg inn i INP, eg tenkte at det kunne vera min måte å bidra på. Mange av menneskemøta eg hadde hatt fekk meg til å kjenna på at eg måtte gjera noko. Det har vert spennande dagar når me har vert rundt på stand i kommunen, for det har me vert og det skal me fortsette med. INP ønskjer å høyre og lytte til deg som eig og har skoa på.

INP vil mellom anna gjere det me kan for at utbygging av vindkraft ikkje skjer i Kvinnherad. Arealinngrep er den største akutte trusselen mot natur og artsmangfald. INP vil sikre at gratis SFO vert vidareført og at skular ikkje skal leggast ned. Eigedomskatt vil INP ikkje ha og me ønskjer å sjå meir på tilhøva ved sjukeheimen på Husnes. Me ynskjer ein god kommune uavhengig av kor du bur, om du er ung eller gamal og at me skal få fleire til å oppdaga kommunen vår og flytta til den. Har du tid, lyst eller er nysgjerrig ? Kikk i programmet vårt, ta kontakt med nokon av oss.

Eg håpar at sjølv om me er usamde, kan vera romsleg med kvarandre. Samarbeide, ha gode debattar og samtalar, utan at me må kjenna på redsle for å bruke stemma. Me må minna kvarandre på den ytringsfridomen vi har og gleda av å kunne lære av kvarandre.

Eg trur me treng meir nyansering. Livet har vell aldri vert svart/kvitt?

Det tenkjer eg er sunn fornuft.

Heidi Bolette Jakobsen

Fersk INP politikar