– Rosast dei som rosast bør

Etter at Kvinnherad kommune hadde forsømt vedlikehaldet i mange år, var det dugnadsgruppa (seniorgruppa) som tok tak i denne fortvila tilstanden. Mellom anna ved hjelp av ein særs god og opplysande artikkel i Grenda (Jorun Larsen) blei den skrøpelege tilstanden på bygningane gjort kjent. Dermed fekk politikarane innblikk i dette, som dei nok ikkje hadde fått informasjon om frå administrasjonen.

Derfor er det dugnadsgruppa ved Pål Haugland og Grenda og Jorun Larsen som har æra for at dette kom på sakskartet. Politikarane fortener òg ros for at dei tok tak når dei endeleg fekk nødvendige opplysningar. Så får vi håpar at administrasjonen no har vakna og føl opp avtalen kommunen har inngått i åra framover.

Thor Inge Døssland