LESARINNLEGG
Ros til kjekke og hjelpsame ungdommar
Ved ein hekk i Rosendal vart det observert bord med benkar som ikkje var i bruk. Nokre av dei involverte i Skålafjæro Kunst & Handverk spurte kommunen om det var mogleg å få flytte på desse, og fekk positivt svar.
Men for å få flytta på utemøblane trongst det hjelp, og ungdommane som vart spurt stilte velvillige opp.
– Me spurte ein ung mann på Dekkservice. Han svara så fint: eg er jo berre ein, men eg har truck! Men så tenkte me at det kanskje var nokre kjekke ungdommar som jobba på Folgefonnsenteret som kunne hjelpa oss, og det var det. Marcus og Theodor sa ja med ein gong, og hjelpte oss å få møblane på plass. Så no har me fått oss bord og benkar utanføre lokala.
Annonse
Dette helsar Anne Marie Bottolfsen og Elin Flindt på vegne av utstillarane i den vesle kunst og handverks-butikken i Rosendal.
