Menneske føre profitt

På måndag er valdagen, og då skal me velja kommunestyret her heime i Kvinnherad, men me skal og velje 65 fylkestingsrepresentantar. Det er eit vel så viktig val, og der vonar eg at du røyster på Raudt. Det trengs ei sterk røyst på venstresida, som setter menneske føre profitt, distrikta føre profitt og natur og miljø føre profitt.

Fylkeskommunen har eit ansvar for at alle skal kunne bu der dei vil, og då trengs det gode tenester i heile fylket. Alle skal ha ein vidaregåande nærskule som dei kan gå på slik at ein slepp å flytte på hybel for å ta utdanninga si. Det trengs og eit god og billig tannhelsetilbod som alle kan ta seg nytte av. For dei som ikkje har bil, eller har lyst å bruke den mindre, så skal det og vere mogleg å ta bussen til jobb, butikken, legetimen og alt anna. Då trengs det fleire avgangar og bussjåførar.

Fylkestinget har òg ansvar for næringsutvikling i fylket. Det er med på å avgjere kor ein skal byggje vindmøller, og det er viktig at me vernar naturen og Kvinnherad-fjella på fylkestinget. Fylket må og bli meir aktive pådrivarar av nye grøne næringar og industri rundt om i fylket. For å sikre desse nye industriane og næringa treng me og ein straumpolitikk som støtter dessa. No som straumen aldrig har vore dyrare og svingande, så trengs det ein forutsigbar og billig straum for å sikre ny industri. Raudt vil arbeide for at fylket bruker eigarskapet sitt i kraftselskap til å arbeide for ein makspris på straum på 35 øre.

Vegane våre må og vere trygge og gode, og her har fylket masse som må gjerast, og spesielt her heime i Kvinnherad. Ingen skal måtte stoppe og vente på at trafikken i motsett køyrefelt skal bli ferdig med å køyre forbi. Ingen skal vere redde for å sende ungen sin til skulen fordi vegen er utrygg. Ingen skal sitte med hjarte i halsen på veg til butikken.

Eg veit ikkje kor mange skuledagar eg har gått glipp av på grunn av at vegen var stengd på grunn av ras, eller at mamma ikkje torde å sende meg på skulen. Me kan ikkje leva slik! Eg og Raudt kjem til å kjempa for at vegane våre skal bli trygge og gode. Her er det og viktig å få inn Kvinnheringar på fylkestinget, slik at me kan få nok asfalt til fikse vegane våre. Raudt kjem til å vere ein garantist for at Kvinnherad blir prioritert i samferdselsspørsmål.

Uansett kva du ender opp med å røyste, så er det viktig at me har folk i fylket som kjemper Kvinnherad si sak, derfor vonar eg at du kryssar på kvinnheringar når du røyster til fylkestinget.

Alt detta kan fylket gjennomføra og arbeide for. Men då trengs det eit sterkt Raudt på fylkestinget. Eg vonar du røyster på Kvinnherad, og røyster Raudt i fylkestingsvalet!

Eirik Pederson Furuberg

Ungdomskandidat og 6. kandidat for Raudt Vestland