Med Lucifer på interrail

Det vart ikkje Europa-ferie i år

heller.

Til greske olivenlundar,

fyrt opp,

av berekraftige, norske hydrokarbonar.

Til byar i Belgia,

spylt vekk,

av rein, norsk olje.

Over russiske jernbanebruer,

kollapsa under vekta,

av demokratisk, norsk gass.

Det vart Noregsferie,

i år igjen.

På symjetur,

i eit feitt lag

avgiftsfri diesel,

vakna eg opp.

No er det f**n meg nok

tomme løfter og brotne ord.

Siste sjanse:

Still deg opp med dei unge,

på rett side av historia.

Røyst grønt!

Harald Maaland

MDG Kvinnherad