LESARINNLEGG
Julestemning i Steinparken
Søndag var det familiedag i Steinparken, med tenning av juletreet og ljos-stien. Smånissar tittar no fram alle stader i parken, men det er plass til fleire.
Mange stilte opp for arrangementet, som omfatta både bygging av fuglebrett, eventyrlesing og kahoot. Det summa godt heile dagen både inne og ute, og kaker i alle variantar forsvann som dogg for sola.
Rosendalstiftinga har lyst å takka alle som bidrog til ein kjekk dag, særleg til Rosendal bygdelag som på eige initiativ stilte med ekstra fine ljoslenkjer til ljos-stien, men også Britt Jorun og Jostein som starta heile ljos- og nissekonseptet. Steinparkens vener var som alltid på plass med aktivitetar, kaker, rydding og stell av Steinparken.
Annonse
Øystein Skaala
Rosendalstiftinga
