INP støttar bonden!

INP kjempar for distrikts-Noreg, og med det treng vi ein god landbrukspolitikk. Bygdene er komne til ved etablering av gardsbruk og vakse ut frå det. Ei bygd treng gode og trygge vegar. Gode og trygge vegar gir grunnlag for bedriftsetablering. Bedriftsetablering gir auka busetjing. Alt dette heng saman og må føregå i riktig rekkefølgje.

Underteikna er vakse opp med 1.mai-tog og parolar. Vi bur begge på gard. Vi veit at 1. mai er bøndenes dag for å spreia møkk. Vi veit at både sider trengst i eit godt samfunn og at vi må jobba saman.

INP er partiet både for arbeidarar og bønder. Vi ønsker ein landbrukspolitikk som stimulerer næringsverksemda i landbruket til utvikling, auka rekruttering, auka sysselsetjingsgrad og dermed ei berekraftig busetjing i distrikta. Vi vil ha målretta og gode investeringspakkar for landbruket.

Investeringspakkar til landbruket får vi ikkje til utan at Noreg har oljeinntekter. Ikkje noko særleg anna velferd heller. Alt heng saman med alt.

Omsetning og lønsemd er avgjerande for viljen til å satsa og investera. Vi vil derfor tilpassa avgiftene på norske sesongvarer for å stimulera til auka omsetning av lokalt produserte varer. INP støttar Reko-ringen (Rettferdig Konsum) og vil jobba for at kommunane skal stilla gode «torg» til fri disposisjon.

INP meiner at å dyrka jorda, røkta skogen, produsera kjøt og andre næringsmiddel i god tradisjon, har svært liten negativ verknad på klimaet. Vi vil derfor støtta innovasjon og utvikling i næringa.

Vi vil at gartnar- og jordbruksnæringane skal kunna sikra nasjonal matforsyning.

Sjølvforsyningsgraden er no på under 40%, så vi kan komma til å svelta i ei krise. Vi vil òg ha ein betydeleg auke av dei fastsette minstelønnssatsene for arbeidstakarar innan jordbruks- og gartnerinæringane.

Vi ønsker å auka norsk råvareforedling, og vil støtta alle som vil skapa moderne vidareforedlingsbedrifter, og gjerne med kort avstand til råvareleverandør. Kommunen bør ha tilgjengelege areal og legga til rette for utvikling av lokal vidareforedlingsindustri.

INP vil stimulera norsk kjøtproduksjon, som er blant den reinaste i verda. Vi ønsker òg å stimulera til auka utmarksbeite. Hausting av naturressursar og vedlikehald av kulturlandskap, gir positive ringverknader til andre næringar.

Vi ønsker eit moderat importvern for jordbruksvarer. Vi skal aktivt utfordra handelsavtalen innanfor WTOs handlingsrom, og ta i bruk dei verkemidla som avtalen opnar for. Dette for å sikra eit berekraftig volumuttak og vekst i landbruksnæringa.

Stem INP!

Kurt B. Hagen, INP, Etne

Ragnhild Tvedt, INP, Kvinnherad