– Ikkje godt nok
Mange har uttrykt misnøye over fortaua i kommunen etter at snøen kom dalande i februar. To av dei er Randi og Solveig Skåla.
Publisert
Måndag sette Solveig, som brukar rullestol, seg fast i hard og sørpete snø då ho skulle kryssa vegen ved fotgjengarfeltet utanfor gamle banken.
Dette førte til at mamma Randi måtte koma med spade for å spa ho laus. Då dette ikkje var nok fekk ho hjelp av nokre ungar til å hjelpa med å dytta Solveig over humpen.
Annonse
– Dette er rett og slett ikkje godt nok. Det er heilt greit for dei av oss som er gode til beins, men for dei i rullestol eller med barnevogn er det ikkje lett å koma seg fram slik det er no, fortel ei litt oppgitt Randi.
Ho veit at mange ikkje er klar over alle dei hindera handikappa og eldre møter i kvardagen, og vonar at fleire kanskje kan bli merksame på dette i framtida.
Einingsleiar for veg og park Terje Natland fortel at vegen gjennom Rosendal, inkludert fortaua, er fylkeskommunen sitt ansvar.
Det har ikkje lykkast Grenda å få kontakt med Vestland fylkeskommune.
