Hydrogen – noko for oss?

På det digitale folkemøtet om den Grøne næringsparken på Husnes vart produksjon av Hydrogen med tilhøyrande tankanlegg sett fram som eit av framtidas satsingsområder på Husnes.

Hydrogen har vore eit råstoff i industriprosessar i lang tid. Det som er nytt er at den no skal erstatta fossilt brennstoff, og produserast i store mengder.

Det er tre typar hydrogen. Det er grått, blått og grønt hydrogen. For dei to fyrstnemnte må ein gjere Co2 tiltak. Den siste – den grøne er produsert av rein energi, dvs anten vasskraft eller vindkraft. (vindkraft har merkeleg nok framleis definisjonen som rein energi) Frå fagfolk si side vert det med rette hevda at produksjon av hydrogen er ein svært ineffektivt og kostbar produksjon. Heile 70% av energien går til spille på vegen gjennom elektrolyseapparatet og til elektrisiteten blir gjenvunne med brenselceller og levert til motorar som skal bruka den. Dette er etter mi meining misbruka av rein elektrisk energi, og som kunna vore nytta 100% i ein meir meiningsfull satsing i den grøne næringsparken på Husnes.

Som i dei fleste industrisamfunn i Norge er også busetnaden på Husnes tett inn til aluminiumsfabrikken. Det er kanskje nok? På folkemøtet vart me berre presentert for to aktørar som var aktuelle. I tillegg til Hydrogenfabrikk, var det eit Biogassanlegg med store tankanlegg. Begge har definisjonen som eksplosjonsfarleg industri, sjølv om faren vart vurdert som lav. Eg er noko usikker på om folk flest på Husnes ser på denne typen industri som grøn næring - i ein grøn næringpark – tett på der folk bur. Begrepet park vil i så fall bli strekt veldig langt. Eg vil oppfordra dei som jobbar med den Grøne næringsparken om finna andre etablerarar som kan væra ein god nabo blant husnesingane. Det fortener bygda!

Av Annemor Ekeland