Ferjeutgreiing – kortare veg mellom Kvinnherad og Stord

Etter innlegget i Grenda den 3. desember d.å. om ei ny utgreiing av ferjesambandet mellom Kvinnherad og Stord og gjera dette kortare, tillét eg meg å koma med eit nytt forslag som let seg realisera innan ein kort tidshorisont, og der ein kan spara bygging av to ferjeleie og éi ferje.

Eg vil at fastlandssambandet til Fjelberg og Borgundøy blir forma for trafikk med tunell gjennom Borgundøy fram til Flatholmen på vestsida av Borgundøy, og at det blir bygd ferjestø der. Ferjestøa på Skjersholmane og på Utbjoa blir slik dei er i dag, og trafikkerte med to ferjer, slik at «Fjelbergferja» går ut.

Vegen frå rundkøyringa på Tofte og fram til Sydnes må utbetrast, men ein sparer bygging av veg fram til Ungholm og alle utgiftene til ny veg og nytt ferjestø på Stord. Framfor alt kan ein få noko til å skje i nær framtid.

Ryfast

I alle dei planforslag eg har sett handlar det berre om å koma fram nordover mot Bergen, medan dette forslaget også inkluderer Haugesund og Stavanger. Med Ryfast på plass kan ein frå Kvinnherad nå fram til Stavanger om morgonen og vera der til kontortid.

Vegen frå Årsnes til Gjermundshamn blir forsett beste traseen om ein skal til Bergen eller nordover, men her må vegen utbetrast monaleg frå Mundheim og fram mot Venjaneset.

«Måten å koma i gang på er å slutta å snakka og byrja å gjera noko», sa Walt Disney - amerikansk filmskapar og studiosjef.

Sjå elles kartskissa.

Helsing Johannes Malvin Eide