Ein sjølvskrytande statsminister er det eit bra teikn? Nei!

For ei stund sidan las eg i lokalpressa eit lesarinnlegg der statsministeren skryt over vegbygginga og drifta av vegane i landet i den perioden som ho har styrt. Synest det mest er frekt å skriva slikt i lokalpressa i vår region.

På toppen av det heile kjem statsminister og noverande samferdselsministeren frå Vestlandet, og eg er ikkje imponert.

Sjølv har eg ferdast på vegane i området i 50 år som vegarbeidar, og har vore skuffa når eg ser forfallet dei siste åra. Ja, eg veit ikkje kor mange som har styrt samferdsel dei siste åra. Tenkjer her også på Frp. Dei skulle fjerna bompengane over heile landet. Kanskje det var derfor dei hadde samferdselsministrar, og til slutt gav dei opp. Er vel norgeshistorias største politiske bløff som er presentert i nyare tid.

I min kommune Kvinnherad har me eit så dårleg vegdekke at det er trafikkfarleg, i tillegg ekstrem store kostnader på bilhaldet i denne regionen. Sentralt snakkar regjeringa om lukta av nylagt asfalt. Den lukta veit me ikkje kva er, eller kanskje me har mista luktesansen. Gulmalingskostnad kan gå til skattelette, for gul stripa har det vorte mindre av år for år i vår region.

Mange vil nok hevda at i Kvinnherad er det fylkesveg, og ikkje statsministeren sitt ansvar. Då stiller eg i så fall spørsmålet. Meiner statsministeren at nye Vestland fylke med eit etterslep på 13 milliardar innafor drift, vedlikehald og alle ras utsette område skal løysa dette utan statleg hjelp? Nokon vil også kanskje hevda at dersom Høgre hadde styrt fylket, hadde det vore mykje betre vegstandard. Nei! Eg trur ikkje på julenissen.

I nabokommunen går deler av riksveg 13 mellom Odda og Bu. Reknar med at statsministeren har ansvar her, eller? Det er heilt uforståeleg at vegfarande og dei som bur i desse områda, skal måtta finna seg i ein slik situasjon. Hardanger skal vera eit namn som me alle ønskjer å vera kry over. Det skal klinga og vera kjent med eit positivt omdømme. Eg reknar med dei vegfarande turistane frå innland og utland slit med å seia «Ha ei fin reise på ein trygg og god framkomeleg veg». Kva handling har statsministeren sett i gang her? Jo, nye veier skal sjå på løysingar, og har fått med litt småpengar i lomma.

Det vil etter mi meining kun utsetja prosjekt på ubestemt tid. No kan alle skulda på alle, utan å ta ansvar. Kvifor tek ikkje statsministeren grep, og handlar med eit mål at i løpet av 5 år så er vegen ordna? Det er mogleg. Pengane og entreprenørane er tilgjengeleg. Dessverre har det skjedd ei sentralisering her også. Fleire utanlandske entreprenørar overtek, og distriktsentreprenørane har valet mellom å stå med hua i handa for å få jobb, eller kanskje gå konkurs. Elles syner historia at det at det kan byggjast store vegprosjekt på kort tid, dersom viljen er til stades.

Tenkjer også på Hovudvegen E134 som knyter desse kommunane inn på aust-vest aksen. Her har kommunane etterlyst ein KVU utgreiing for armen mellom Haukelivegen og Bergen for 6 år sidan. Heller ikkje her har statsministeren vist handling. Denne vert først effektuert etter påtrykk frå ein samla opposisjon av Ap, Sp og FRP nå i vår. Dette medfører fleire års forseinking av dette prosjektet også i denne regionen.

E134 over Haukeli er det prosjektet med mest nytteverdi. Kva skjer? Jo, ein brukar pengane på kosmetiske grep på ein forhistorisk veg, og hindrar trafikken med kolonnekøyring.

I denne regionen har me vel også nokon av dei største smelteverksbedriftene, oppdrettsnæringar , oljenæringar, energileverandørar osv. med enorm verdiskaping. Likevel slit me med den dårlegaste infrastrukturen i forhold til verdiskapinga. Kanskje på tide å samla seg om eit veg opprør?

Så må eg også nemna E39 Stord – Os . Her rasar milliardane ut i planlegging. Sikkert god sysselsetting. Meiner statsministeren gav ein lovnad om oppstart for ei tid tilbake Eg veit ikkje kvar den lovnaden forsvann, men eg ser tida jobbar mot prosjektet. Tenkjer då særleg på følgjande: For lite trafikkgrunnlag , miljø og nå til slutt nye Bjørnafjorden kommunen som er eit resultat av stasministeren sin politikk. Kommunen er i mot løysinga slik den nå er tenkt. Bra!

Til alle politikarar som oftast snakkar om framtida til ungdommen, som seier at me må spara på fond og ikkje bruka peng. Ueinig. Kvifor ikkje bruka peng på å sikre , trygge og framtidsretta vegar? Kan vel ikkje vera noko som er sikrare for framtida. Å ha peng på bok, eller handlegater i England er usikkert, og dei kan me missa over natta ved eit krakk. Gir heller inga verdiskaping.

Det er spesielt å lesa når statsministeren skryt sjølv. Det er no ein gong slik at eg dessverre har lært at sjølvskryt ikkje er gangbar mynt. Det er andre si oppgåva. Men i den moderne politikars verden ser det ut for at alt går og me som velgjerar skal tru på dette.

Nå er også tida ute for å skulda på tidlegare politiske parti for ting som ikkje fungera. På tide å skifta ut regjeringa med nye kostar som satsar på å ta heile Norge i bruk , og som ikkje gir statlege selskap og eigedommar som tilhøyrar fellesskapet og folket for ein billig peng til private eller utanlandske eigarar.

I koronatida har nokon også ukritisk fått gratis sugerøyr inn i statskassa, utdelt av regjeringa .

Godt val.

Øyvind Hardeland

AP