Skiskyttarforbundet har bestemt seg:

Martin og Ragnhild har vunne Norgescupen

Marius Tveit Nissestad

Marius Tveit Nissestad

marius@grenda.no

Publisert: 19. mars 2020, 16:03

Den tekniske komiteen i Norges skiskyttarforbund har vedteke har berre eitt renn skal strykast frå listene. Det betyr at både Martin og Ragnhild Femsteinevik har vunne Norgescupen.

Som Grenda skreiv onsdag trudde ikkje Martin Femsteinevik at det blei samanlagtsiger i Norgescupen denne sesongen. Det som følgje av at det i konkurransereglementet kom klart fram at tre av sesongens renn skulle strykast før ein kåra ein vinnar.

Noko hadde ført til at både han og Ragnhild hadde blitt forbigått på samanlagtlistene.

Men torsdag ettermiddag offentleggjorde Norges skiskyttarforbund teknisk komité sitt vedtak.

«Ut i frå gjeldande regelverk og praksis frå sesongen 2017-18 blir norgescuplistene for sesongen 2019/20 endeleg med éi stryking i klassane senior, junior og ungdom».

 

Trippel

Med det er det klart at Martin er vinnar av årets Norgescup for herrer og Ragnhild for kvinner.

– Eg har jo vore greitt nøgd med resultata i vinter uansett, men det hjelper på å få norgescupsigeren samanlagt, seier Martin torsdag.

Det betyr at han no har sikra seg ein Norgescup-trippel etter å ha stukke av med samanlagtsigeren dei tre siste sesongane.

– Det gjer det jo litt ekstra kult, seier Martin.

Både han og Ragnhild vil no få tilsendt diplom og den gule vinnartrøya, som det synlege beviset på at dei har vunne Norgescupen i skiskyting sesongen 2019/20.