Manuell dirigering ut veka

Marius Tveit Nissestad

Marius Tveit Nissestad

marius@grenda.no

Publisert: 10. juli 2018, 13:00

Det vert manuell dirigering i arbeidstida på rasvegen i Åkra i alle fall ut denne veka.

Det fortel byggjeleiar Åsmund Sekse i Statens vegvesen måndag.

– Vegen er open for manuell dirigering medan me fortset arbeidet med meir sikring i rasløypa. Me vil setja inn fleire boltar nedover, slik at me er hundre prosent trygge på at det er sikkert i området, seier Sekse.

Etter raset på fylkesveg 40 til Åkra torsdag for snart to veker sidan, vart bygda isolert fram til påfølgjande torsdag klokka 18.00. Sidan då har vegen vore open for trafikk med manuell dirigering på staden.

– Vi prøver å sleppa forbi dei som kjem så fort som mogleg, så det skal ikkje bli for mykje venting på dei forbipasserande, seier Sekse.

Fyrsteprioritet for vegvesenet er å få sikra rasløypa skikkeleg, etter det skal vegbana vølast.

– På sikt må me få opp ein ny støypekant og reparera skadane som raset har påført vegen. Men det er andreprioritet og vil nok ikkje bli fiksa før etter sommarferien, det viktigaste no er å sikra rasområdet, slutta Sekse.