Mållaust då Johnny debuterte frå start

Marius Tveit Nissestad

Marius Tveit Nissestad

marius@grenda.no

Publisert: 5. juli 2019, 23:06

Johnny Furdal starta sin fyrste eliteseriekamp fredag kveld.

Etter å ha kome inn frå benken dei to siste serierundane, var Johnny Furdal endeleg å sjå i startellevaren då Viking tok i mot Haugesund til kveldskamp i eliteserien fredag.

Oppgjeret mellom tabellnaboane bølga fram og tilbake frå fyrste spark på ballen, utan at nokon av laga klarte å skapa dei heilt store målsjansane.

Viking sin nummer 8 fekk 87 minutt på banen mot laget han spelte for i ungdomen, men til liks med spelarane både på Haugesund og Viking, klarte han aldri å setja sitt preg på kampen.

Med det vart sesongens fyrste Rogalands-derby ein mållaus affære føre ein smått glissen SR-Bank Arena.

Neste laurdag tek Johnny og Viking turen til Trondheim for å måla krefter mot Eirik Horneland sitt Rosenborg.