Mannen som køyrte bilen som krasja i tunneleveggen i Halsnøytunnelen 22. desember i fjor er dømt til fengsel. (Arkivfoto)

Må i fengsel etter ulukka i Halsnøytunnelen

Ein mann i 20-åra er dømt til 26 dagars fengsel etter å ha køyrt i tunnelveggen i minst 140 kilometer i timen. Det med fem passasjerar i bilen.

Det var natt til 22. desember 2017 at ein bil med seks gutar i mista grepet og hamna i fjellveggen i Halsnøytunnelen. No har sjåføren fått si straff i Sunnhordland tingrett; 26 dagar fengsel utan vilkår og tap av førarretten i 20 månadar.

Artikkelen held fram under annonsen.

– Det må tilskrivast rein flaks at ingen vart påført betydelege skadar eller vart drepne, som var den påreknelege følga av tiltalte si køyring, heiter det i domspapira.

Farten er rekna til minst 140 kilometer i timen, ei hastigheit som saman med lågt lufttrykk i bakhjula sørga for at sjåføren mista kontroll over bilen, slik at bilen hamna i ein høgrekurve og fekk skrens i møtande køyrefelt. Vidare krasja bilen i tunnelveggen i motgåande køyrefelt med venstre bakpart og deretter med venstre front.