Sju sjåførar frå Kvinnherad olabilklubb var i sving i Stavanger førre helg. Her er Hallvard Kvåle klar til start. (Foto: Privat)

Leverte varene i Stavanger

Etter lang tids mekking kunne fleire av Kvinnherad Olabilklubb sine ferske medlemer kasta seg ut i eit offisielt olabilløp for aller fyrste gong førre helg. Noko som sjølvsagt gav meirsmak.

– Dette var fantastisk. Gjett om gutane er motivert til å satsa vidare på Formula Young Prix-løp i framtida, skriv olabilklubben eit reisebrev.

Artikkelen held fram under annonsen.

 

Forventningar

Det var sju forventningsfulle, unge olabilsjåførar som vakna opp i «Kvinnherad-leiren» søndag morgon. Gleda var stor då dei såg at sola glytta fram gjennom eit tynt skylag. Endeleg skulle dei få prøva seg på eit ekta olabilløp.

Det etter å ha sveisa, skrudd, mekka og bygd på bilane sidan starten av februar. Og for fleire var dei siste skruane på plass berre timar før avreise til Stavanger og Formula Young Prix-rittet Våland Down.

– Det blei hektisk aktivitet før avreise. Leon og Eirik fekk dårleg tid. Leon rakk så vidt ein prøvetur med bilen før avreise, medan Eirik så vidt fekk skrudd fast dei siste skruane i karosseriet før ferja gjekk frå Utåker laurdag morgon.

 

Strålande levert

Men på ferja kom dei. Fem olabilar, sju spente deltakarar pluss foreldre, søsken og eit par utskremte besteforeldre.

Artikkelen held fram under annonsen.

Det for ei helg med grilling, sosialt samvær og sjølvsagt konkurranse.

– Løpsdagen blei ein fest frå start til slutt. Det må ha vore eit tusental tilskodarar som omkransa løypa under løpet. Storskjerm i fellesområdet og fleire kamera som dekka heile løypa.

Og sjølv om det var 35 bilar som stilte til start, alle med eit ynskje om å koma fortast i mål. Var det få lag som viste så godt att som Kvinnherad Olabilklubb.

– Det blei sølv og bronse og pokalar til dei. Men ikkje nok med det, på dei påfølgjande plassane følgde vi på med 4., 6. og 8. plass. Fantastisk!

 

Resultatliste:

  1. plass: Eirik Anuglen (14) 52,3 sekund
  2. Artikkelen held fram under annonsen.

  3. plass: Hallvard Kvåle (13) 54,4 sekund
  4. plass: Jonas Hjelmeland Naterstad (13) 54,8 sekund
  5. plass: Anna Hjelmeland Naterstad (12) 55,3 sekund
  6. Felix Emil Enæs (10) 57,0 sekund
  7. plass: Leon Ruiz Hovland (8) 1 minutt og 14,2 sekund (med krasj)
  8. plass: Lars Kvåle (15) 1 minutt og 42,1 sekund (med krasj)

    (Foto: Privat)