Les Magne Heien sitt sommardikt frå naturen

Freelands Grenda

Grenda

post@grenda.no

Publisert: 4. juli 2020, 07:00

Magne Heien har sjeldan sett så mykje kvitsymreblom i snøkanten som no i juni. Det inspirerte han til å skriva eit dikt om fjellbekken og kvitsymra, og om guten som skulle ut i den store verda no i desse koronatider.

 

Fjellbekken og kvitsymrehavet

 

Hei du fjellbekken

eller snøbekken me kallar deg

 

du renn so lysteleg og lett

ved snøfonnekanten i dag

 

ikkje stor enno

men veksande i varme vårdagen

 

til det store havet

du lengtar  no

 

men sjå til oss

i vårlia full -kvitsymrehavet!

 

me syner deg  dei store bølgjene

av kvitskumma symreblom!

 

gle deg til havet å sjå

akta deg vel for verdi stor!

 

Av Magne Heien