Latterfest med Torget og Brekke

Roar Brekke og Arne Torget garanterer ein latterfest du ikkje vil gå glipp av når dei besøkjer Ølve ungdomshus 16. februar.

– Eg og Arne skal sørga for at du ikkje kjem til å angra på å at du brukar laurdagskvelden saman med oss. Ein fjerdedel av billettane er selt, så er det berre å hiva seg rundt og avtala med nokon som treng å lufta vettet saman med deg, skriv Roar Brekke på Facebook.

Etter showet til duoen frå Odda og Husnes spelar Express Duo, beståande av Stig Håvik og Jan Magnus Aasen, opp til dans.