Lastebåt tek inn vatn på Sunde

Det 50 meter lange lasteskipet «Nysand» tek fredag ettermiddag inn vatn ved snøggbåtkaien på Sunde.

Morten Nygård

Morten Nygård

morten@grenda.no

Publisert: 12. oktober 2018, 16:48

Brannvernet i Hordaland la ut følgjande melding på Twitter like etter klokka 16.00 fredag ettermiddag.

– Kvinnherad: Ved Sunde hurtigbåtkai / ferjekai. Lastebåt på 50 meter tar inn vatn. Brannvesen på staden med pumper.

Til stades er 4-5 brannbilar og kring 20 konstablar branntroppene Husnes, Halsnøy og Uskedalen. Det er også mange skodelystne i området. Innsatsleiar Mette Vintertun stadfestar overfor Grenda at båten lek.

– No har vi tømt han for vatn. Deretter skal vi tøma båten for last for å gjera han endå lettare. Situasjonen ser nok mykje verre ut enn det eigentleg er, fortel ho. 

Vintertun reknar med båten skal kunna gå vidare for eiga maskin når vatn og last er borte.

Sandskipet låg ved kai der snøggbåten plar liggja. Båten som nådde Sunde kring 16.30 måtte difor flytta seg til den gamle ferjekaien.