Lagar alternativ julekonsert
Sjølv om koronaen gjer det vanskeleg å driva korps, har Rosendal Musikklag nokre spennande planar fram mot jul.
Rosendal Musikklag under leiing av deira nye dirigent, Tysnes-Walisaren Nick Hughes, skal etter planen visa seg for publikum den 12. november. Planen då er å halda ein kort, men fengande konsert i samfunnshuset.
Artikkelen held fram under annonsen.
Og så står julehøgtida for døra.
– Viss det ikkje kjem endå strengare smittevernreglar, vil vi halda ein alternativ julekonsert den 6. desember. Den blir i samfunnshuset, for der har vi betre plass til publikum med tanke på avstandsreglane. Julematiné blir det derimot ikkje, noko vi mistar mykje inntekter på. Men vi skal gjennomføra julelotteriet, opplyser leiar Kristin Lamberg.