Alma Margrete Kårstad Fauske (t.v.), Karoline Kårstad, Hans Martin Kårstad, Alida Kårstad Fauske og Lilly Marie Hatteberg nytta haustferien til å høyra nasjonalparkforvaltar Astrid Bakke Håvik fortelja om korleis dyra har ulike måtar å takla vinteren på.

Lærte om hausten

Torsdag inviterte nasjonalparkforvaltar Astrid Bakke Haavik til forteljarstund med film og teikning av haustbilte.

Dei byrja i Steinparken for å finna naturmateriale dei kunne laga bilete med. Då dei etterpå kom ned til Folgefonnsenteret, lærte nasjonalparkforvaltar Astrid Bakke Haavik bort litt ulikt om korleis dyra på våre breiddegrader taklar årstida me er på veg inn i.

– Nokon går i hi, nokon gå i dvale, nokon reiser bort og nokon prøver å leva som vanleg, forklarte Karoline Kårstad om kva dyra gjer når vinteren nærmar seg.

Artikkelen held fram under annonsen.

Sjølv om det regna trollkjerringar i Steinparken, var det ingen som klaga seg. Og når teiknesaker og lim kom på bordet, kasta dei seg over det for å laga noko som illustrerer hausten.

– Det er kjekt å gjera slikt som dette når det er haustferie, kommenterte Hans Martin Kårstad når dei viste fram bileta sine.