Anders Totland har tre bøker inne på topp 100-liste. Blant dei "Nedteljing". (Arkivfoto)

Kvinnheringar på bokliste

Forfattarane Anders Totland og Tor Arve Røssland har begge fleire bøker med på 100-lista til «Leser søker bok».

Lista er ei oversikt over dei 100 beste lettlesne bøkene, som er utgitt dei siste tre åra. Den er delt inn i kategoriane born, ungdom og vaksne, og her er både skjønnlitteratur, fakta og teikneseriar. «Leser søker bok» har lest og vurdert fleire tusen norske utgivingar. Bøkene på 100-lista er valt ut på bakgrunn av lesarvenleik og litterær kvalitet, samt at forteljingane engasjerer.

Artikkelen held fram under annonsen.

Vidare er dei vurdert utifrå godt språk og enkel og tydeleg skrifttype. Lista er laga for å forenkla vegen til lesing for dei som synest det kan vera tungt. Røssland har fått ungdomsgrøssarane «Den tolvte spelaren» og «Dronen» med. Totland har fått heile tre romanar med på lista under kategorien ungdom; «Nedteljing», «Så lenge ingen ser oss» og «Engel i snøen».