Kvinnherad godt representert på sonesamling
Halsnøy IL, Rosendal Turnlag, Uskedal IL og IL Ternen var alle representerte då fotballspelarar frå 2007-årgangen var samla til sonesamling på Avaldsnes i helga.
Så mange som 12 fotballklubbar frå Sunnhordland var til stades då dei ivrigaste fotballspelarane frå regionen var samla til sonesamling i fotballhallen til Avaldsnes på Karmøy i helga som var. Fire av dei klubbane var frå Kvinnherad.
Artikkelen held fram under annonsen.
Til saman stilte Ternen, Uskedal, Halsnøy og Rosendal med så mange som 13 spelarar på samlinga; Lars Erik Holmedal (Ternen), Sondre Ersland (Ternen), Eirik Ersland (Ternen), Maria E. Ersland (Ternen), Simon Musland (Uskedal), Petter Myklebust (Uskedal), Åsmund Arntsberg (Halsnøy), Ingeborg Hvidevold (Halsnøy), Ingrid M. Eik Arnevik (Halsnøy), Bettina Guddal (Rosendal), Cathrine Enæs (Rosendal), Inghild C. Sætrevik (Rosendal) og Thea Sundal (Rosendal).
Dagen var delt opp i to, der jentene var i sving før lunsj og gutane etter. Etter oppvarming var det klart for teknisk trening og eit fokus på tredjemannsbevegelse, før dagen vart avslutta med internkampar inne i Avaldsnes-hallen.
Om halvanna veke er det klart for ei ny samling på Karmøy for den same gjengen, før det seinare i vår og til hausten er klart turnering i Bergen. Ei turnering som også dannar grunnlaget for uttaket til kretslaget.