Kvinnherad blant dei mest aktive på Black Friday

Marius Tveit Nissestad

Marius Tveit Nissestad

marius@grenda.no

Publisert: 2. desember 2019, 14:26

Nordmenn trakk kortet meir enn ni millionar gonger på den store handledagen Black Friday. Blant dei mest aktive kommunane finn vi Kvinnherad.

Tal frå betalingstenestene Nets og Vipps viser at det blei gjennomført nesten 9,3 millionar kortkjøp i løpet av fredagen. Det er ein auke på 3,5 prosent frå same dag i 2018, og er med det også ny norgesrekord.

Av landets 100 mest folkerike kommunar var Bømlo den mest aktive i løpet av Black Friday, i følgje tal frå Klarna. På ein god andreplass, altså landets nest mest aktive kommune på Black Friday, finn vi Kvinnherad. Dei deler sølvet med Alta, ettersom begge kommunane var 31 prosent over snittet i aktivitetsnivå.