Kvinne i 50-åra sakna sidan søndag kveld
Politi og leitemannskap har iverksett ein leiteaksjon etter ei kvinne i 50-åra som har vore sakna sidan søndag kveld klokka 20.
Politiet i Kvinnherad fekk i går kveld klokka 20 inn ei melding om ei vaksen kvinne som ikkje var komen heim frå ein tur i området Tveitedalen i nærleiken av Utåker.
Artikkelen held fram under annonsen.
– Familie hadde då søkt etter vedkomande før det vart varsla til oss. Det vart så iverksett ein leiteaksjon søndag kveld. Vi fekk på plass Røde Kors, fleire frivillige, seks hundeekvipasjar frå Norske redningshundar og det vart søkt med helikopter. Utan funn, seier lensmann Sigurd Børve.
Måndag morgon er det igjen komen på plass eit Sea-King helikopter som gjer søk i dei mest ulende områda. I tillegg er nytt leitemannskap frå Røde Kors på plass, og fleire hundar frå både politi og Norske redningshundar går inn i søket.
– I tillegg er fleire lokalkjente folk med på leiteaksjonen. Det vert søkt i området frå Tveitedalen og rundt der i nærleiken av Utåker, seier Børve.