Kven er kjappast opp Varden?
Søndag inviterer Ternen IL igjen til den store familie- og konkurransedagen Varden opp.
– Her blir det aktivitetar og quiz på veg oppover til Skarvelandsstølen, kor kaffien, aktivitetar og kakene ventar, skriv idrettslaget i ei pressemelding.
Artikkelen held fram under annonsen.
Konkurranseklassen startar frå Skarveland skule og skal konkurrera om å koma seg fyrst til toppen av Varden. Samtidig som startskotet går ved skuleplassen på Sandvoll, går også startskotet på Skarvelandsstølen. Her startar dei yngste turen opp mot toppen i klassen minivarden.
– Etter det vert det premieutdeling på Skarvelandstølen med sal av kaker, kaffi og pølser, skriv idrettslaget.