Kven bør bli årets namn?

For åttande året på rad skal Grenda kåra «Årets namn i Kvinnherad». Kven meiner du bør fortener heidersteiknet? Send inn ditt forslag til oss. 

Sidan 2010 har Grenda sine lesarar stemt fram vinnaren av «Årets namn i Kvinnherad». Premiereåret stakk unge og lovande Frida Berge frå Ølve av med sigeren. Året etter gjekk musikarane i Brazzooka til topps, før det var eldsjelene i Fjelberg bygdalag som vann i 2012.

Kåringa i 2013 vart aldri spanande, då «eldreopprørarane» Mildrid Hartveit, Torborg Skjelnes og Johannes Mehl vann med god margin. I 2014 stakk industrileiar Geir Skaala av med tittelen, før baronidirektør Anne Grete Honerød vart stemt fram i 2015. Og i fjor kunne valebu og Varhaugselbasaren sin far, Ove Tvedt, smykka seg med den gjeve heidersteiknet.

Artikkelen held fram under annonsen.

Kven som vinn i år, er det du som avgjer. Men før vi startar opp med røystinga, ynskjer vi fyrst å få tilsendt forslag på kandidatar. Det gjer du ved å senda ditt forslag inn per telefon, post, e-post, SMS eller på Grenda.no innan måndag 4. desember klokka 23.00.

Finaleheatet blir presentert i Grenda torsdag 7. desember.

 

Forslaga kan sendast via e-post til post@grenda.no eller ved ordinær post til Grenda, postboks 100, 5486 Rosendal.

Du kan òg ringa inn ditt forslag eller senda ein SMS til 90 78 54 57.

Frist: Måndag 4. desember kl. 12.00.

[gravityform id="7" title="true" description="true"]