Kulturhuset Husnes stengjer dørene

Marius Tveit Nissestad

Marius Tveit Nissestad

marius@grenda.no

Publisert: 4. januar 2021, 11:04

På grunn av dei nye smitteverntiltaka har Kulturhuset Husnes bestemt seg for å stengja fram til 18. januar.

– Vi stengjer frå og med i dag, og vil halda stengt dei neste to vekene. Det betyr at det ikkje bli kino, det blir ikkje nyttårskonsert med Husnes blandakor og det vert ikkje basar med Valedamene, seier Ágúst Magnússon i Kulturhuset Husnes.

Det vart med andre ord ein kjedeleg start på det nye året for kulturhussjefen.

– Det er ikkje kjekt å start opp første arbeidsdag med å ringa rundt om avlysingar. Men dei nye smittevernreglane seier at vi ikkje skal ha kulturarrangement, då følgjer vi det dei neste to vekene. Heldigvis hadde vi ikkje så mykje planlagt no i starten av januar, seier Ágúst.

Blant arrangementa som utgår er tysdagens planlagde dagframsyning av 950-årsjubileumsfilmen frå Bergen.