Utviklar ny idé
Merethe Offerdal Tveit har i desse dagar fleire parallelle prosjekt på gong. Til dømes har ho fått pengar frå Vestnorsk filmsenter til å utvikla ein idé som kanskje kan bli til ein musikkdokumentar.
Publisert
Sist oppdatert
– Eg kan røpa at det handlar om nokre damer som var veldig inspirerte av Joni Mitchell. Dei gav ut eitt eller eit par album på 60- og 70talet, fortel Offerdal Tveit.
Damene fekk ikkje så mykje merksemd på den tida, og gjekk vidare med liva sine. Til slutt vart både dei og musikken litt gløymde.
Annonse
– På slutten av 90talet eller starten av 2000-talet, då internett var i full blom, var det nokon som fann denne musikken igjen og desse damene fekk plutseleg ein stor fanskare, fortel Offerdal Tveit.
Nokre av namna som kan vere aktuelle til prosjektet er Vashti Bunyan, Sibylle Baier, Linda Perhacs, og Shelagh McDonald.
– Dei blei rett og slett berømte på sine eldre dagar, og nokon av dei plukka opp gitaren og byrja spela og laga musikk igjen.
Prosjektet vil vera ilag med Indie Film Bergen og Thorvald Nilsen, og er tenkt som eit internasjonalt prosjekt.
Annonse
– Då vil det vera naturleg å sjå for seg visning også utanfor Kvinnherad, seier Offerdal Tveit.
