Utstillingar i tre månader framover i banken
Galleri Banken i Ølve opnar utstillingssesongen på laurdag med kunst av Siri Anne Sande Hansen.
I pinsen sesongopnar Airinn Zimmer og Galleri Banken i Dalsjøen i Ølve med utstilling av Nesttun-kunstnaren Siri Anne Sande Hansen.
– Ho kjem med maleri, både nonfigurative og konkrete, og er veldig flink å teikna, melder Zimmer.
Artikkelen held fram under annonsen.
Fram til 29. august skal 14 forskjellige kunstnarar stilla ut i Galleri Banken. I tillegg til maleri blir det vev og keramikk, trearbeid, strikk, kunstfoto og bøker.
– Det vert ei slags dynamisk salsutstilling, forklarer Zimmer.