Utstilling til kyrkjekaffien
Fyrstkomande sundag kan ein igjen oppleva gudsteneste og utstilling i Fjelberg prestegard.
Publisert
Tradisjonen tru inviterer Jan Ove og Marit Elisebeth Totland til gudsteneste med påfølgjande samling i prestegarden.
«Gudstenesta startar til vanleg gudstenestetid, og det er ferje frå Sydnes som høver slik at ein får med seg både denne og samlinga i prestegarden etterpå», skriv Marit Elisebeth Totland i ei pressemelding.
Annonse
Ho har med seg måleri av paraplyar, valmuer og maritime motiv i tillegg til Fjelbergbilete til utstillinga i stovene på prestegarden.
«Nytt av året er at ho har gjenskapt Hundal, staden som låg nede ved ferjeleiet og som no er ein saga blott», heiter det i pressemeldinga.
Jan Ove Totland er som kjend tildlegare prest på Fjelberg, og dei to trivest i den gamle prestegarden. Sjølv om Jan Ove no er pensjonert, er han tilbake som prest denne sundagen, og dei to gler seg til å opna dørane og invitera inn både fastbuande og tilreisande.
