Utstilling i Tinghuset
Frå fyrstkomande laurdag og ei veke framover vil Anita Gaassand halda atelieret sitt ope, og ynskjer alle kvinnheringar og andre interesserte velkommen til Vikjo i Dimmelsvik.
Publisert
Laurdag opnar utstillinga som skal visa ny kunst og gamal kultur i Tinghuset og Atelier Fruktlageret i Dimmelsvik.
«Det er på høg tid, for det er om lag to og eit halvt år sidan sist. Korona-stenging og nokre månaders ufrivillig flytting fordi kunstnaren ikkje var registrert med fast adresse i Kvinnherad, har gjort det vanskeleg å få vist kunst og kunsthandverk til publikum. Men no er adresseendringa ordna og restriksjonane mot å samla folk fjerna. Då er det på tide å visa litt resultat frå den stille perioden», står det i ei pressemelding.
Annonse
Kunstnaren og ektefellen hennar har gjennom ein tiårsperiode renovert det gamle Tinghuset frå 1882 og Fruktlageret i Vikjo, der det no er atelier. Begge bygningane vil bli brukt til å visa tekstilkunst, maleri og kunsthandverk. Blant kunstverka er mellom anna arbeidet som Anita Gaassand var representert med på årsutstillinga for norske kunsthandverkarar 2021.
