Torget endeleg tilbake på scenen

Saman med parhesten Roar Brekke er Arne Torget ute på Vestlandsturné.

Kolavegspoeten og humoristen Arne Torget og i lang tid vore para saman med standupkomikar og odding Roar Brekke. Saman er dei no i gang med ein Vestlandsturné, med eit klart mål om å gje folk seg ein etterlengta, helsebringande latter eller fleire. Showet har dei med tidsaktuell vri kalla «FHI – Folkehumorinstituttet».

Kvinnheringane kjenner Arne Torget som diktskrivar sidan tidleg i tenåra, og han har etterkvart fått ein stor tilhengjarskare. Roar Brekke har vore profesjonell komikar i over 20 år, har sett opp fleire heilaftans standupshow og opptredd på fleire hundre av landets senar. Dei to har stått på scenen saman ein rekke stader i mange år. Felles er gleda av å fortelja historier, Arne gjer det med rim, Roar med energi og mimikk.

Det blir fantasifulle betraktningar rundt det meste, alt sett med Vestlendingen sine auge; Om kroppsspråk, om galskapen kalla «bygdadans», tyske bubilturistar på fisketur, om Lothepus og litt om Corona. Men det einaste du må sjå opp for her, er smittande latter!

Duoen skal til Odda 2. juni og Husnes 11. juni, før turneen skal innom ei rad plassar mellom Sandnes og Kristiansund utover sommaren.