Tilbake til 1880-talet
Marit Elisebet Høines Totland har skreve ein ny roman om Skudeneshavn på 1880-talet. Denne gong gjev ho den ut sjølv.
Publisert
Den historiske romanen «Tap» er ein frittståande oppfølgjar til romanane «Blåstrømpe» (2004) og Alt vel (2016), men kan òg lesast som ei sjølvstendig forteljing.
Boka handlar om Karina, som er skipperfrue. Ein dag dukkar det opp ein underleg mann på trappa i Skippergarden i Skudeneshavn, der Karina bur med familie og tenarskap. Raskt oppdagar ho at det slett ikkje berre er det opne havet som kan truga familien og finansane.
Annonse
-Det er fint å gå innom eit museum for å læra korleis kvardagen var før vår tid. Med dei digitaliserte avisene som er tilgjengeleg for oss no, kan me i tillegg danna oss eit heilare og meir levande bilete av kva som hende. Mykje av hendinga i «Tap» byggjer på nyleg digitaliserte kjelder. I tillegg har store mengder notat som far min tok var på, vore til hjelp. Dei kom nærast til å styra utforminga av denne karen som dukka opp på trappa til Karina, seier Marit Elisebet i ei pressemelding.
