Takvam om mora Marie i Senioruniversitetet

– Ho hadde ei bohem-side, seier Magnus om mora i samband med føredraget.

Marie Takvam (1926-2008) var lyrikar og skodespelar og ein kjendis i si tid. Ho jobba i Barnetimen i NRK og spelte ulike filmrollar på 60- og 70-talet, innimellom alt det gav ho ut ti diktsamlingar, to romanar, éi barnebok og eit par skodespel. Ho levde eit kompromisslaust kunstnarliv.

Korleis var det å vekse opp som son av Marie Takvam? Delar av svaret finn ein i boka «Hun skrev for å kunne leve», som Magnus Takvam skreiv om mora. Han gjestar Kvinnherad Senioruniversitet i kinosalen på Husnes torsdag 14.mars.

– Magnus vil i føredraget på Husnes torsdag 14. mars fortelja om diktaren, og tilhøvet mellom mor og son. I boka skildrar Magnus ein oppvekst som til tider var vanskeleg, men likevel med varme, opplyser Steinar Haugan i Kvinnherad Senioruniversitet i ei pressemelding.

I føredraget har Takvam også med seg filmsnuttar der Marie les nokre av sine mest kjende dikt, og fortel om vegen til å bli diktar og om livet sitt.

Magnus Takvam arbeidde som journalist og kommentator i NRK i førti år, til han gjekk av for aldersgrensa i 2022. Han arbeider no som frittståande politisk kommentator .

Etter føredraget vert det enkel servering og ein god prat.

– Me minner om at Senioruniversitetet sine møte er opne for alle som har høve til å møtast om eit aktuelt emne på ein torsdag føremiddag, sluttar Steinar Haugan på vegner av styret i Kvinnherad Senioruniversitet v/