Svar på kartlegging
Leiar for Kvinnherad kultursenter, Ágúst Magnússon, meiner det er vanskeleg å rettferdiggjere at tilsette og gjestar ved kulturhuset skal måtta betala for parkering.
Publisert
Sist oppdatert
«Tilsette vert råka ved at dei står parkerte heile arbeidsdagen og vil då få ein ganske stor sum å betale kvar månad. Kundar på seminar/kurs/minnemarkeringar på dagtid vil få avgift – dette vart betre når det ikkje skulle betalast om kveld og i helger.
Parkeringsplassen i tilknyting Husnes tenestesenter vart for det meste bygd for biblioteket sine brukarar, men i dag er dei på dagtid for det meste blokkerte av kommunen sine tenestebilar», skriv han i eit tilsvar på kartlegginga frå kommunen.
Annonse
Magnússon nemner òg at dei tilsette treng rundt 4-5 parkeringsplassar, men når det gjeld kundane er det vanskelegare å seie, det kan vere alt mellom 10-50 stykke der når det skjer ting på dagtid. Dei tilsette på kulturhuset har ofte ulike arbeidstider og kabalen som heiter samkøyring er derfor vanskeleg å få til å gå opp.
