Suksessforfattar Marit Eikemo til biblioteket
Torsdag 21. november kjem forfattar Marit Eikemo til Kvinnherad bibliotek. Ho er aktuell med boka «Vi er brødrene Eikemo», som fekk terningkast 6 i VG.
Publisert
– Ho er ein av dei mest anerkjente samtidsforfattarane vi har i Noreg, og ho er kjent for sin skarpe penn og unike blikk på familien og samfunnet. Det er fyrste gongen ho besøkjer biblioteket, og så vidt vi veit har ho ikkje besøkt Kvinnherad før, opplyser biblioteksjef Trude Hege Bergesen i ei pressemelding.
– Det har vore stor interesse for arrangementet. Vi gler oss veldig, og har tru på at det blir ein strålande kveld på biblioteket, legg ho til.
Annonse
Bokbad
Marit Eikemo (født 1971) vaks opp i Odda, og ho har ein mangslungen karriere i kulturlivet bak seg. Her kan nemnast nestleiar i Norsk Forfattersentrum, redaktør for Syn og Segn, dagleg leiar for Cornerteateret i Bergen, og ho var sentral i å etablera litteraturhuset og Litteratursymposiet i Odda.
– Og ho står på reservasjonstoppen på biblioteket i år, fortel Bergesen, som sjølv skal leia bokbadet med Marit Eikemo. Tema vert i hovudsak «Vi er brødrene Eikemo».
