Soultalent til Festidalen
Bookingsjefen meiner dei har fått på plass det råaste R’n’B- og soul-talent i landet med Beharie.
Publisert
Sist oppdatert
– Det er silkemjukt og skjelvande vakkert. Det er deilege, slentrande låtar som smyg seg inn under sommarskjorta. På menyen står kjærleikens evige ambivalens, servert med sjarm, shorts og badeball. Beharie går på scena rett etter Timbuktu, og dreg oss enda lenger inn i den varme junikvelden. Det er rett og slett fagert og fordømt fint, seier Daidalos Dahle på vegner av FEstifdalen.
Han karakteriserer stilen som Frank Ocean møter Silk Sonic.
Annonse
– Når Beharie tar steget fram til mikrofonen skjer det noko. Vinden løyar. Stuten sluttar å tygga. Og naboen slepp den kvinande saga. Og du, du får lyst å hiva deg på hesteryggen og ri til husa forsvinn og naturen slukar deg opp saman med stemma til søtnosen frå Sandnes, er biletet Dahle måler av Behaire.
Han har hatt auger og øyrer på Beharie sidan 2019. Deretter booka han soulartisten til bransjetreffet 100 Dagar i 2020.
– Han har representert reinspikka kvalitet frå første låtslepp. Det du no kjem til å oppleva på Festidalen er ein moden artist som bognar over av vellyd, lover Daidalos om fredagssigneringa.
