Skal dele ut 20 kunstnarstipend

«Stipenda er meint å gje profesjonelle kunstnarar høve til utvikling, fordjupning eller fagleg påfyll», heiter det i utlysinga som ligg ute på Vestland fylkeskommune sine sider.

Der ligg også det elektroniske søknadsskjemaet som skal nyttast for dei som vil freista. Profesjonelle kunstnarar innan desse kunstuttrykka og sjangrane, som bur og har sitt verke i Vestland fylke, kan søkje.

Eitt av måla med tildelingane er å stimulere til at det er høve til å leve og arbeide som kunstnar i alle delar av fylket. Elles skal nokre utøvarar i etableringsfasen prioriterast, og det skal også vera ein kjønnsbalanse i tildelingane.

Kategoriane ein kan søkje stipend til er; visuell kunst, musikk, scenekunst, samt litteratur og film.