Sjarmerte og briljerte
Sjeldan har Rosendal Samfunnshus opplevd korpsmusikk på det nivået Ohio, Rosendal musikklag og Rosendal skulekorps leverte laurdag kveld.
Publisert
Sist oppdatert
Med ei blanding profesjonalitet, rutine og ungt pågangsmot leverte det som på førehand var selt inn som tidenes kulturfest i Rosendal opp til nettopp det. Så om du ikkje var å sjå blant publikum laurdag kveld, kan du vera sikker på at du gjekk glipp av noko.
For saman med Ohio blåste musikklaget og skulekorpset sveisen av publikum frå fyrste tone.
Annonse
Fyrste akt bestod av ein samarbeidskonsert mellom kveldens tre hovudrolleinnehavarar, med der Ohio kom i skuggen av fleire imponerande og modige unge solistar. Der i blant Tord Sverre Hatteberg på ”Chameleon”
Etter ein kaffitår og noko attåt, var scenen rydda og dei seks musikalske karane frå Ohio hadde scenen for seg sjølv.
Og dei seks musikalske karane Hans Olav Ingholm, Sebastian Lamberg Torjusen, Jørgen Lund Karlsen, Tobias Lamberg Torjusen, Sebastian Sletten Eide og Stig Espen Hundset gav verkeleg publikum valuta for pengane. Dei tok publikum med på ei reise som inneheld alt frå rytmiske salsatonar til svevande Disney-magi, og fekk vel fortent trampeklapp i retur.
