Siste utstilling for sesongen
I Galleri Banken Ølve blir siste finpussen gjort på den fjerde og siste utstillinga for sesongen.
Publisert
Sist oppdatert
Utstillinga med arbeida av Birgit Eide og Siri Haaskjold opnar 27 juli, og blir ståande i galleriet til 25. august.
Birgit Eide er tekstilkunstnar, og arbeidar med skulptur, installasjonar og veggarbeid.
Annonse
– Gleda over kva ein kan skapa med hendene har vore ein raud tråd gjennom heile kunstnarskapet hennar. Ho løftar fram formødrene sin respekt og kunnskap om tekstil og ulike teknikkar som har gått arv. Ho finn dei vakraste heklearbeid på loppemarknad og bruktmarked og brukar det som materiale i eigne verk, forklarer kurator Marta Nerhus.
Siri Haaskjold arbeider med leire, og vart først kjend for sine store fat.
– Seinare har også ho jobba mykje med gjenbruk, funne porselenprodukt brukt i E-verket i generasjonar, og ho skaper dei om til verk inspirert av norsk folkekunst og naturopplevingar. Ho viser nokre av dei arbeida i Ølve i tillegg til små skulpturar, fortel Nerhus.
Begge har vore aktive utstillarar sidan hovudfag i 1989 på Kunsthøgskolen i Bergen, begge har verkstader på Usf Verftet i Bergen. Begge har også lang praksis med kunstundervisning.
