Samlar forfattarar på storsenteret

– Eg har invitert alle lokale forfattarar som eg har kome på til storsenteret. Eg kjem til å setje ut bord og stolar, og så kan både forfattarar, frivillige organisasjonar og folk flest møtast, snakka om bøker og få ei bok eller to signert, skriv Gertz i ei melding til Grenda.

Ho gjorde det same i fjor, og då kunne ein møta på Arne Torget, Anders Totland, Kristian Hus, Magne Heien, Morten Nygård, Marit Elisebeth Totland, Kristian Bringedal, Thor Inge Døssland og Lars Jostein Rørvik.

– I år trur eg det blir endå fleire. Dette er meint som eit slags «sjå kor mykje bra bøker som vert laga i vårt nærområde», samt ein hyllest både til forfattarar, bøker og ikkje minst nynorsken. Ei slags feiring med andre ord, skriv Gertz.

Forfattarar som har bekrefta at dei kjem er;

Aasmund Sande

Anders Totland

Anne Karin Fonneland

Arne Torget

Christian Bjørgen

Hans Sande

Jan Rabben

Kjersti Hjortland

Kristian Hus

Kvinnherad Sogelag

Lars Aamund Vaage

Lars Martin Røyrvik

Lions Halsnøy

Michelle Myklebust

Morten Nygård

Ståle Eskeland

Uskedalen historielag

Det blir med andre ord gode moglegheiter til å slå av ein prat med sin lokale forfattar-favoritt, eller å få kjøpt og signert bøker til jul.