Prøv deg på luke 3 i julekalenderen «Bli kjent med Kvinnherad»

Rundturen i Kvinnherad held fram. Kvar er vi i dag, mon tru?

Grenda sin julekalender «Bli kjent med Kvinnherad» har fått ein veldig god start, både når det gjeld sjåartal og talet innsendte svar i konkurransen. Vi vil by på nye episodar kvar dag fram til 24. desember. I dei vitjar vi vakre stader og møter kjekke folk på vår ferd gjennom den langstrekte kommunen vår.

I alle episodane vert du stilt to spørsmål. Det daglege spørsmålet er rett og slett «Kvar er vi?». Kvar dag trekkjer vi ut ein vinnar som får tilsendt tre Flaxlodd. Send inn til post@grenda.no . Fristen er klokka 11.00 i morgon.

Det andre spørsmålet vil gje deg ein bokstav, som etter 24 episodar dannar ei setning. Her er innsendingsfristen 27. desember klokka 09.00. Premien er eit gåvekort på 2.000 kroner, levert av Eurospar Rosendal.

Svar 2. desember: Då var vi i Valevågen. Andre godkjende svar er Valen båthamn og Valøya. Gjesten var fotograf Atle Helland.